SIK Dili Ezekuta Mandadu Buska Ba Residencia Suspeitu(Radio)

Dili – Servisu investigasaun kriminal munisipiu Dili, buska residencia suspeito sira, relasiona kasu torturasaun, ba joven nain rua.

ezekusaun buska no aprensaun domisiliáriu ne’e bazea ba mandadu husi tribunal distrital Dili.

Suspeitu nain neen pratika agresaun fizika hasoru joven nain rua, iha area Beto Marinir, foin lalais ne’e.

Komandante polisia munisipiu Dili, superintendente xefi Henrique Da Costa hateten, servisu investigasaun kriminal munisipiu Dili konsege rekolla evidensia hanesan, kareta pick-up ida, gas lakrimunjenio, katana rua inklui atributu artemarsiais balun.

Buska refere, polisia halao iha suspeitu sira nia residensia iha area Beto Marinir, Fomento, Tasi Tolu no Aitarak Laran.

Dadaun ne’e, evidensia no suspeitu sira submete ona ba investigasaun kriminal munisipiu Dili, hafoin prosesa ba ministeriu publiku.

(Juvenal/Siso)

How do you react to this article?

You have reacted on "SIK Dili Ezekuta Mandadu Buska Ba Residencia Su..." A few seconds ago