PNTL Kaptura Ona Suspeitu Nain Hitu Baku Joven 2 Iha Beto(Radio)

Dili – Komandu policia munisipiu Dili ho servisu inforsaun kaptura ona suspeitu nain hitu, ne’ebe halo torturasaun hasoru joven nain rua.

Suspeitu sira, polisia kaptura iha area Beto Marinir, Fomento, Aitarak Laran no Tasi Tolu.

Komandante polisia munisipiu Dili, superintendente xefi Henrique Da Costa konsidera, suspeitu sira halo torturasaun no detensaun ilegal ba vitíma inisial AC no AB iha fomentu no Beto marinir.

Nia konsidera, suspeitu sira ne’e, laos intelejente polisia nian, maibe sidadaun ne’ebe mak hakarak hanaran an polisia hodi bele kaer joven nain rua hodi halo torturasaun.

Dadaun ne’e, suspeitu sira kontinua detein iha sela detensaun durante oras 72 hafoin submete ba primeiru interogatoriu iha tribunal distrital Dili.

(Juvenal/Siso)

How do you react to this article?

You have reacted on "PNTL Kaptura Ona Suspeitu Nain Hitu Baku Joven ..." A few seconds ago