JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Joven Nain Rua Ne’ebé Hetan Agresaun Fízika, Antes Ne’e Komete Krime Asalta Uma

Joven Nain Rua Ne’ebé Hetan Agresaun Fízika, Antes Ne’e Komete Krime Asalta Uma

Dili – Joven na’in rua ne’ebé hetan agresaun fízika husi joven na’in neen seluk iha área Bebonuk ‘viral iha media sosiál facebook’, tuir investigasaun Polísia Nasionál Timór-Lorosa’e  “joven na’in rua ne’e iha kazu asalta  no estraga uma komunidade balun iha área ai-tarak laran Dili”.

Kazu ne’ebé joven na’in rua ho inisiál AC no AB komete antes ne’e, rejista ona iha rejistu kriminál ho númeru kriminál 0153/21/ DICMR.

Komandante Polísia Munisipiu Dili, Superintendente Xefe, Henrique da Costa relata,  polísia konsidera joven nain rua AC ho AB  hanesan vítima tanba hetan agresaun fízika husi joven seluk, maibé  “joven na’in rua ne’e sai mós hanesan suspeitu tanba antes ne’e asalta no estraga uluk uma komunidade balun iha area Ai-tarak-laran Dili, besik ministériu-finansas nia kotuk”.

Superintendente Xefe, Henrique da Costa argumenta, ekipa polísia sei la tolera no “sei atua autor kriminosu sira” ne’ebe kontinua komete krimi iha kapital Dili.

Dadaun ne’e, komandu polisia munisipiu Dili hetan apoiu husi Unidade Espesial Polisia, Batailaun Ordem Públika, Unidade Polisia Marítima, unidade Patruilamentu Fronteira inklui Unidade Polisia Militar F-FDTL hodi apoiu siguransa iha kapital Dili.

Reportajen : Juvenal Da Silva (240321)

How do you react to this article?
Like
Love
Haha
Wow
Sad
Angry
You have reacted on "Joven Nain Rua Ne’ebé Hetan Agresaun Fízika, An..." A few seconds ago

Add to Comments Here!!!!

error: Content is protected !!