Asaltu Malu Iha Eis-Merkadu Comoro, PNTL Kaptura Suspeitu 14

Dili – Komandu Polísia Munisípiu Dili, kaptura joven sanulu-resin-hát, ne’ebé suspeita ‘deskonfia’ envolve iha konfrontu ida iha eis merkadu komoro, iha kurrta-feira foin lalais ne’e, hodi submete ba prosesu investigasaun.

Tuir kronolojia akontesimentu ne’ebé jornalista apura iha terrenu, kazu asaltu malu ne’e, akontese kedas husi loron kuarta-feira semana ne’e, tanba mosu provokasaun entre joven sira husi bairu Lurumata Aldeia Zero–tres ho Aldeia Zero-cinco.

Segundu Komandante Polisia Munisipiu Dili, Superintendente Euclides Belo konfirma, “polísia prende sasan evidénsia ‘kontra bandu’ hanesan, Rama-ambon, tudik, fiska no fatuk”

Vítima, Denilton Fernandes hateten “ joven balun baku ha’u iha merkadu Comoro laran bainhira ha’u nia maun haruka ha’u ba sosa temperu tukir nia iha merkadu Comoro”

Xefi aldeia Zero-tres, suku fatuhada Jeferino Braz hateten,  “hanesan autoridade lokal hau nafatin esforsu hodi rezolvu konfrontu entre joven hirak ne’e”

Reportajen : Juvenal da Silva (190321)

How do you react to this article?

You have reacted on "Asaltu Malu Iha Eis-Merkadu Comoro, PNTL Kaptur..." A few seconds ago