Serka Sanitária Iha Baucau Impede Transporte Públiku, Pasiente ‘Dengue’ Na’in Ida Mate

Baucau – Sidadaun ida ne’ebé sofre moras dengue tenke lakon vida tanba família transfere tarde ba Hospital Rezional Baucau tanba durante implementasaun serka sanitária iha munisipiu Baucau, impede transporte públiku no atividade seluk.

Xefi Unidade Emergencia  Hospital Regional Baucau, David do Santos Soares hateten, “paseinte Arseino Celestino Pereira, tinan 27 transfere husi posto administrativu Laga mai hospital Baucau iha kinta-feira kalan ho kondisaun grave tamba ran sai husi ibun no inus”.

Xefe unidade ne’e hatutan “familia transfere tarde pasiente ba hospital rezional tanba implementasaun serka sanitária ne’ebé impede transferénsia pasiente ho transporte públiku”.

Além de ne’e, pasiente barak la ba halo tratamentu iha hospital halo tanba la iha movimentu transporte.

Tuir observasaun jornalista nian iha Baucau, durante implementasaun serka sanitária transporte públiku hanesan mikrolek no bis inklui anguna la halo movimentu.

Reportajen : Mario Pedro (190321)

How do you react to this article?

You have reacted on "Serka Sanitária Iha Baucau Impede Transporte Pú..." A few seconds ago