Loja No Transporte Susar Atu Trata Karta Autorizasaun Husi CIJK

Aileu – Loja no nain ba transporte husi municipiu Aileu no manufahi perkupa tanba susar atu trata karta autorizasaun husi sentru integradu jestau krize.

Komunidade Armindo De Araujo hateten, estadu bele aplika lock down maibe oinsa atu fasilita komunidade asesu ba nesidade basika, tamba selae povu la mate ba Corona maibe mate ba hamlaha.

Nain husi loja afifra municipiu Manufahi Marcelo Dos Santo hateten, estok fos no nesidade basika iha loja sira la iha, inklui konbustivel tamba susar atu halo atendimentu ba komunidade sira.

Komandante postu temporariu kunsin municipiu Aileu, assistente inpektur Mariano Pereira Fernandes husu ba centru integradu jestaun krize atu iha orientasaun ne’ebe klaru hodi la prejudika servisu iha tereno.

Tamba tuir dekreto governo fo konpetensia brigadeiru Jenderal Joao Miranda “Aluk” maibe iha municipiu komandante no administrador sira mos fo autorizasaun tamba ne’e hamosu konfusaun.

Enkuantu; transporte 40 resin ne’ebe iha quia de marsa husi autoridade lokal no PNTL municipiu Manufahi atu tula nesidade basika husi fornesidor sira iha Dili, polisia municipiu Dili nafatin la autoriza, tama ba Dili ho razaun ne’ebe hanesan, ho nune’e obrigadu motorista ho kareta kamioneta 40 resin obrigadu tenki fila.

(Tf/Emi)

How do you react to this article?

You have reacted on "Loja No Transporte Susar Atu Trata Karta Autori..." A few seconds ago