JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Aplikasaun Serka Sanitaria Husi Governu Hamosu Diskriminasaun Ba Sidadaun Sira

Aplikasaun Serka Sanitaria Husi Governu Hamosu Diskriminasaun Ba Sidadaun Sira

Dili – Aplikasaun serka sanitaria ka lockdown husi governu hamosu diskriminasaun ba sidadaun sira iha rai laran.

Maria De Fátima husi munisipiu Covalima konsidera desizaun governu hamosu diskriminasaun bo’ot entre sidadaun iha rai laran no rai liur.

Maria De Fátima afirma, atu ba trata asuntu lia mate ne’ebe husi familia rasik iha rai moris fatin Suai, maibe autoridade seguransa la autoriza.

Ekuantu sidadaun sira husi nasaun afetadu governu permite tama mai Timor Leste.

Maria De Fátima fundamenta, nia parte la fiar konaba viruz corona eziste iha Timor Leste, relasiona ho sintomas sira ne’ebe la razoável.

Tamba ne’e nia parte husu governu atu labele limita movimentu povo hodi hadia sira nia moris.

Lamentasaun hanesan hato’o mos husi sidadaun Natalia Da Conceição husi munisipiu Ermera hodi hateten, nia parte lamenta tebes ho desizaun governu ba serka sanitaria, tamba bandu sira hala’o atividade iha munispiu no transporta ai-han ba familia sira iha uma.

Sorin seluk, Oliveira Mendonça Barros husi munisipiu Ainaro husu governu fo oportunidade semana ida hodi fila fali ba sira nia rai moris fatin.

Daudaun ne’e, sidadaun barak halibur-an iha sentru integradu jestaun krize iha Centru Convensaun Dili hodi trata guia da marça desde semana kotuk.

Maibe tuir observasaun RTTL iha terrenu nota katak, prosesu atendimentu ba públiku provizoriamente suspende, tamba mosu lamentasaun oi-oin husi sidadaun sira.

Entretantu, to’o notisia ne’e públika, RTTL seidauk hetan konfirmasaun husi responsavel ba asuntu refere.

(Jp/Eko)

How do you react to this article?
Like
Love
Haha
Wow
Sad
Angry
You have reacted on "Aplikasaun Serka Sanitaria Husi Governu Hamosu ..." A few seconds ago

Add to Comments Here!!!!

error: Content is protected !!