Ekipa Saúde Indentifika Funsioáriu SEFOPE 1 Halo Kontaktu Direita Ho Pesoál Pozitivu(Radio)

10 Março 2021
0 Comments
67 View.

Lautem – Ekipa saúde munisípiu lautém indentifika funsioáriu sekretáriu estadu formasaun profisionál empregu-SEFOPE ida ne’ebé diskunfia halo kontaktu direita ho pesoál pozitivu iha sefope nasionál.

Tuir informasaun ne’ebé RTTL asesu, iha semana kotuk, funsionáriu SEFOPE Lautem ne’e mai halao servisu iha SEFOPE nasional no konsege halo kontaktu direita ho funsionáriu ne’ebé pozitivu covid-19 iha Dili, no funsionáriu ne’e fila ba Lautém iha domingu ne’e.

Diretur saude munisipio Lautem, Bernardo Amaral Lopes iha administrasaun munisipiu Lautem, tersa feira ne’e hateten, funsionario ne’e tama servisu iha segunda feira horseik, no nia parte orienta funsionariu ne’e fila ba uma hodi halo auto kuarentina tanba diskunfia halo kontaktu direita ho suspeitu pozitivu covid-19 iha Dili.

Diretur saude ne’e haktuir, tersa feira semana ne’e, parte saude foti ona amostra swab no haruka ona mai dili hodi halo teste laboratoriu hodi hein rejultadu.

Diretur nee afirma, bainhira rejultadu pozitivu parte saude sei halo tracing no foti amostra swab ba funsionariu sira iha SEFOPE Lautem inklui funsionariu administrasaun Lautem nian.

(Js/Nuno/Emi)

How do you react to this article?