JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Prezidente Repúblika Halo Promosaun Ba Postu Ofisiál Jenerál No Jenerais

Prezidente Repúblika Halo Promosaun Ba Postu Ofisiál Jenerál No Jenerais

Dili – Liu husi komunikado ne’ebé RTTL assesu katak, Prezidente Repúblika, Francisco Guterres Lú-olo, hafoin simu proposta husi governu no rona konsellu superior defeza no seguransa, dekreta promosaun Coronel, Calisto Santos Coli ‘Coliati’ ba postu Brigadeiru Jenerál, kapitaun Mar e Guerra, Donaciano do Rosário da Costa Gomes ‘Pedro Klamar Fuik’ ba postu ‘Komodoro’ Brigadeiru-Jenerál Domingos Raul ‘Falur Rate Laek’ ba postu Maior-Jenerál no Maior-Jenerál Tito da Costa Cristovão ‘Lere Anan Timur’ ba Tenente-Jenerál.

Promosaun ba postu ofisiál jenerál no jenerais bazeia ba estatutu militár F-FDTL foun ne’ebé aprova liu-husi dekretu-lei númeru 33/2020, 2 setembru.

Tuir estatutu militár F-FDTL foun, númeru 1 husi artigu 261 katak, kargu Xefe Estadu-Maior Forsas Armadas okupa husi militár ida ho postu Brigadeiru-Jenerál ou Komodoro.

Tuir komunikadu ne’e, promosaun ba Donaciano Gomes, atu viabiliza oportunidade ba ninia funsaun iha futuru hodi lidera misoens internasionais ba manutensaun pás ne’ebé organiza husi nasoins unidas.

Númeru 1 husi artigu 260 dekretu-lei ne’e hateten katak Vise-Xefe Estadu-Maior-Jenerál Forsas Armadas okupa husi militár ida ho Postu Major-Jenerál ou Kontra-Almirante.

Estatutu militár F-FDTL foun iha artigu 259 númeru fó-sai katak kargu Xefe Estadu-Maior-Jenerál Forsas Armadas okupa husi militár ida ho Postu Tenente-Jenerál ou Vise-Almirante.

Dispozisaun estatutu militár F-FDTL foun obriga governu atu aprezenta ba prezidente repúblika atu halo promosaun ba postu ofisiál jenerál no jenerais hodi ezerse sira-nia funsaun.

Calisto Santos Coli ‘Coliati’ iha Fevreiru 2011 promove sai Koronél no hahú okupa kargu Xefe Estadu-Maior iha Outubru 2018.

Donanciano Gomes ‘Pedro Klamar Fuik’ hetan promosaun ba kapitaun Mar-E-Guerra iha 2010 no nomeadu ba Diretór Institutu Defeza Nasionál Iha 2012.

Domingos Raul ‘Falur Rate Laek’ hetan promosaun ba Brigadeiru-Jenerál iha juñu 2018 no komesa okupa kargu vise-xefe estadu-maior-jenerál iha outubru tinan hanesan.

Lere Anan Timur hetan promosaun ba Brigadeiru-Jenerál no okupa kargu Vise-Xefe Estadu-Maior-Jenerál iha Novembru 2009, promove ba Maior-Jenerál no hahú ninia funsaun nu’udar Xefe Estadu-Maior Jenerál F-FDTL iha Outubru 2011.

Redasaun : (260221)

How do you react to this article?
Like
Love
Haha
Wow
Sad
Angry
You have reacted on "Prezidente Repúblika Halo Promosaun Ba Postu Of..." A few seconds ago

Add to Comments Here!!!!

error: Content is protected !!