Lideransa Komunitaria Suku Lahomea Lamenta Ho Servisu Saúde Munisipiu Bobonaro

Bobonaro – Lideransa komunitaria suku Lahomea, postu administrativu Maliana, munisipiu Bobonaro, lamenta ho servisu saúde munisipiu Bobonaro tamba la iha sosialijasaun ba programa teste swap masal.

Preokupasaun ne’e, hato’o husi, xefe suku Lahomea, Cirilio Mau Leto Lopes, hafoin hala’o teste masal iha aldeia Maliana Vila, tersa-feira semana ne’e.

Nia konfirma, wainhira fo’o konesementu ruma maka lideransa komunitariu prontu koopera ho governu hodi implementa programa ne’e iha suku ho diak.

Diretor servisu saude munisipiu Bobonaru Joao Cardoso konfirma, ekipa saude hato’o ona konesementu ba lideransa komunitaria liu husi sosializasaun.

Sidadaun Januario Da Costa konsiente katak, programa teste swap masal ne’e diak, maibe tenke iha kontinuasaun.

Entretantu, total amosta durante halo aktividade masal iha munisipiu Bobonaro hamutuk rihun ida atus rua sia nulu resin rua – 1292.

(Humberto/Bella/Siso)

How do you react to this article?

You have reacted on "Lideransa Komunitaria Suku Lahomea Lamenta Ho S..." A few seconds ago