TL Registu Tan Kazu Transmisaun Lokal Positivu COVID 19 Nain 4 Iha Covalima

Dili – Timor Leste registu tan, kazu transmisaun lokal positivu COVID-19 nain haat, iha Covalima.

Asuntu ne’e, hato’o husi, kordenador forsa tarefa prevensaun no mitigasaun surtu COVID, Rui Maria De Araújo, iha salaun centru konvensaun Dili, tersa-feira ne’e.

Rui Maria De Araújo kofirma, total kazu COVID-19 ne’ebe Timor Leste regista ba dadaun ne’e hamutuk rua nolu resin lima.

Nia akresenta, kazu foun haat ne’e ekipa ministerio saude detekta hafoin halo rasteriu ka screening ne’ebe hala’o, iha munisipiu Covalima.

Enkuantu, rejultadu jeral rasteriu ka screening ne’ebe hala’o iha munisipio Covalima total amostra atus ualu lima nolu resin ida, no positu nain hat.

Enquanto, RAEOA total amostra atus rua lima nolu resin rua, Bobonaro hamutuk atus ida rua nolu resin rua, maibé la registu kazu COVID-19.

(Cipri/Siso)

How do you react to this article?

You have reacted on "TL Registu Tan Kazu Transmisaun Lokal Positivu ..." A few seconds ago