JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Carro Funeráriu Avária, Aman Kous De’it Oan Nia Isin-Mate

Carro Funeráriu Avária, Aman Kous De’it Oan Nia Isin-Mate

Ermera – Carro Funeráriu (kareta lori mate isin) iha munisípiu Ermera avária, aman ida lori oan nia mate isin, la’o ain ho distansia km 30, husi Sentru Saúde Gleno ba Aldeia Maukale, Suku Fatubesi Posto Administrativu Hatulia Zona B.

Jose de Carvalho, Xefe Sentru Saúde Gleno hateten, matebian, Marcia Viegas Fulan 10 Transfere husi Sentru Saúde Gisarudu, médiku iha Sentru Saúde Gleno esforsu maibé labele salva tanba kondisaun grave. Nune’e pasiente ne’e mate iha sexta-feira, oras tuku sia kalan (21:00. Otl).

Hafoin labarik ne’e hakotu iis, família no médiku sira kontaktu kedan ba responsável Asaun Sosial Munisípiu Ermera atu apoiu Carro Funeráriu maibé avária.

Família hein kareta husi kalan to’o dadeer, maibé Carro Funeráriu la mosu hodi tula mate isin, tanba ne’e inan-aman foti desizaun hodi kele mate isin no lori ba nia hela fatin iha Fatubesi Posto Administrativu Hatulia Zona B.

Xefe Sentro Saúde ne’e husu ba Ministériu Relevante atu trata sidadaun ho dignu.

Joanico Martins, reprezentante família, sente triste ho akontesimentu ne’e, nune’e nia husu ba governu hodi tau atensaun.

Jose de Carvalho, Presidente Autoridade Munisípiu Ermera hatete, atualmente, Carro Funeráriu avária no seidauk halo manutensaun.

Administradór kontaktu ba Nasionál hodi husu apoiu Carro Funerariu maibé Labele atende tanba atende seluk.

Nia kompromete, sei rezolve situasaun ne’e iha futuru.

Reportajen : Joana Monteiru (200221)

How do you react to this article?
Like
Love
Haha
Wow
Sad
Angry
You have reacted on "Carro Funeráriu Avária, Aman Kous De’it O..." A few seconds ago

Add to Comments Here!!!!

error: Content is protected !!