Eletrecidade Nacional Timor Leste Empreza Publika Identifika Ona Suku 66 Iha Area Rural Seidauk Asesu Liña Eletrika

Kinta-Feira semana neé, Prezidente Konsellu Administrasaun Eletrecidade Nacional Timor Leste Empreza Públika Paulo Da Silva, hasoru malu ho xefe governu Taur Matan Ruak, hodi informa kona-ba programa no planu setor eletrecidade iha futuru.
Nia hateten, EDTL-EP identika, suku hamutuk 66, iha area rural seidauk asesu liña eletrika.
Aliende neé , EDTL-EP sei halo inspeksaun rutina ba liña eletrecidade iha kapital Dili, tamba neé EDTL-EP propoin ona orsamentu miliaun 1.
Kestiona kona ba eletrecidade mate lakan iha kapital Dili no area rural, prezidente konsellu Administrasaun EDTL-EP rekoñese kestaun neé , maioria akontese iha kapital, no area rural kauza husi fasilidade infraestrutura neébe tuan ona, liña distribuisaun balun estraga husi dezastre naturais, liu-liu ba asesores sira, ligasaun ilegal no seluk tan.
Nuno Morais-Alxendre Dos Santos ba RTTL
Editor texto: Amito Araujo
Atu hatene informasaun kompleta, keta haluha akompanha gazeta as 24 iha kanal RTTL iha oras 19:00







Add to Comments Here!!!!