FM Husu Governu Atu Garante Vida Sosial No Ekonomia Sidadaun Iha Fronteira

Dili – Fundasaun Mahein husu governu atu garante vida sosial no ekonomia sidadaun, iha Bobonaro ho Covalima, durante lockdown.

João Almeida konsidera, serka sanitaria ba movimentu sidadaun iha munisipiu Bobonaro ho Covalima importante, hodi evita transmisaun COVID-19.

Ezekutivo ne’e, husu ba governu atu tau atensaun makas ba vida sosial no ekonomia komunidade nian.

Dadaun ne’e, Polisia Nasional Timor Leste, ezekuta ona rezolusaun governu konaba serka sanitaria, hodi bandu sidadaun sira husi munisipiu Bobonaro ho Covalima, labele halo movimentu mai kapital Dili.

Komandu jeral PNTL mos, sei koloka tan efektivu sira, atu reforsa pasa revista, iha munisipiu rua refere, hodi evita movimentu ilegal iha linha fronteriza.

(Juvenal/Siso)

How do you react to this article?

You have reacted on "FM Husu Governu Atu Garante Vida Sosial No Ekon..." A few seconds ago