PN Hahu Realiza Sesaun Dahuluk Plenaria Pergunta Ho Governu

Dili – Parlamentu Nasional, hahu realiza sesaun dahuluk, plenaria pergunta ho governu tuir regimentu orgaun legislativa nian.
Vice presidenti parlamentu nasional, Maria Anjelina Sarmentu afirma, plenaria ho modelu perguntas ba governu, hodi hatan, iha Parlamentu Nasional, foin realiza ba dahuluk iha periodo quinta lejislatura nian.
Ba Maria Anjelina Sarmentu, plenaria ho governu signifika deputadu sira formula pergunta no dirigi ba membru governu relevante hodi hatan direta, ba preokupasaun deputadu sira nian, iha Parlamentu Nasional.
Bazeia ba rejimentu parlamentu nasional, deputado sira prepara pergunta hamutuk 20, maibe iha plenaria dahuluk ne’e deputado sira hato’o deit pergunta 6 ba governu.
Entretanto; ministro sira neebe partisipa, iha plenaria ho governu iha sesaun da huluk mak hanesan, ministeriu kordenador asunto ekonomiku, ministeriu estatal, ministeriu saúde, ministeriu edukasaun jovuentude no desportu, ministeriu obras públika no ministerio transporte komunikasaun.
Antes ne’e, plenária, iha parlamentu nasional orgaun ezecutivo representa deit husi ministro asunto parlamentar komunikasaun sosial hodi rejista preokupasaun deputado sira levanta iha plenaria hodi enkamina ba ministerio relevantes.
(Alau/Siso)







Add to Comments Here!!!!