Lere Anan Dúvida Halo Rekrutamentu Ba Kadetes F-FDTL Foun(Radio)

Dili – Maijor jeneral, Lere Anan Timur, dúvida halo rekrutamentu ba kadetes F-FDTL foun, tamba governu seidauk ezekuta orsamentu jeral estadu tinan 2021.

Xefi estadu maior jeneral forsa armada, maijor jeneral, Lere Anan Timur, hato’o preokupasaun ne’e, iha salaun auditoriu ministeriu defeza Fatuhada Dili, kinta feira ne’e.

Dirijente maxímu F-FDTL ne’e argumenta, planu rekrutamentu kadetes foun komandu F-FDTL preve ba fulan abril, maibe nia dúvida tamba governu seidauk ezekuta orsamentu jeral estadu tinan 2021.

Antes ne’e, komandu F-FDTL liu husi komisaun rekrutamentu, distribui ona formulariu hamutuk rihun ruanulu resin rua, ba joven sira iha teritoriu Timor laran tomak, maibe paradu tiha tamba situasaun impase politika no pandemia kovid-19, ne’ebe ataka mundu tomak inklui Timor Leste.

(Juvenal/Siso)

How do you react to this article?

You have reacted on "Lere Anan Dúvida Halo Rekrutamentu Ba Kadetes F..." A few seconds ago