Governu Nomea Ona Abel Da Conceicão Ba Administrador Municipiu Aileu(Radio)

Dili – Governu nomea ona, Abel Da Conceicão ba administrador municipiu Aileu, Leovigildo Amaral Pereira ba administrador municipal ainaro no Francisco De Andrade ba administrador municipal Kovalima.

Proposta deliberasaun ne’e, aprova iha reniaun konselu ministru kuarta-feira ne’e, ne’ebe aprezenta husi ministru administrasaun statal, Miguel Pereira De Carvalho.

Ministru presidencia konselu ministru, Fidelis Leite Magalaens hateten, nomeado nain tolu, sei kontribui ba dezempena kargu iha rejimi komisaun servisu ba periode tinan lima.

Konselu ministru aprova mos projetu dekreitu governu nian hodi kria portal municipal no estabelese regra jeral sira kona ba nia funcionamentu ne’ebe aprezenta husi ministru administrasaun statal Miguel Pereira De Carvalho.

Portal municipal ne’e, sei akumula informasaun oi oin relasiona ho municipiu ida idak ho asesu publiku no gratuito.

(Domingos/Siso)

How do you react to this article?

You have reacted on "Governu Nomea Ona Abel Da Conceicão Ba Administ..." A few seconds ago