Timor Leste Rejista Tan Kazu Positivu Nain 6(Radio)

Dili – Timor Leste rejista tan kazu positivu nain neen sidadaun estrangeiro inlui labarik tinan tolu ida, maibe kazu hirak nee importado hosi nasaun vizinu Indonesia.

Dadus ne’e, relata husi directora jeral, ministerio saude Odete Da Silva Viegas hafoin halao komferensia imprensa, iha salaun ministerio saude palacio da sinzas Caicoli Dili, tersa-feira ne’e.

Odete Da Silva konfirma, sidadaun estrangeiro nain neen ne’e, hala’o viajen husi Indonesia liuhusi fronteira batugade mai Timor Leste.

Tuir Odete, sidadaun hirak ne’e identifikado positivo covid-19 maibé la iha sintomas.

Odete Da Silva Viegas akresent, dadaun ne’e, polisia nasional Timor Leste buka tuir hela sidadaun motorizada ojek ida nebe’e lori sidadaun ilegal refere.

Pasintes hirak rejistado, oras ne’e sei iha hela sala isolamento Vera-Cruz Dili, hodi hala’o tratamento saúde.

Ezekutivu ministerio saude ne’e, husu ba autoridade lokal iha fronteira atu toma atensaun ba ema nebe tama sai ilegal.

(Cipri/Siso)

How do you react to this article?

You have reacted on "Timor Leste Rejista Tan Kazu Positivu Nain 6(Ra..." A few seconds ago