Governu Sei Bolu Diretor PMU Atu Responsabiliza Ba Konstrusaun Estrada Diresaun Ermera – Fatubesi (Radio)

Dili – Governu sei bolu diretor unidade jestaun projetu – PMU atu responsabiliza ba konstrusaun estrada diresaun Ermera antiga ba suku Fatubesi ne’ebe hamosu tahu dodok.

Pozisaun ne’e aprezenta husi ministru obras públika, Salvador Eugenio Pires hafoin partisipa iha reniaun konsellu ministru iha paláciu governu Dili, kuarta feira.

Salvador Eugenio Pires hateten, nia parte sei orienta diretor PMU atu kontrola grant projetu no projetu imprestimu sira hodi responsabiliza.

Entretantu, rehabilitasaun estrada husi antigo Ermera liga ba suku Fatubesi munisipiu Ermera ho distansia kilometru 11 pontu 81.

Enkuantu, projetu ne’e implementa husi kompaña internasional Sanghai Construction Group Coorperation Ltd, husi Xina ho finansiamentu husi Banco Dezenvolvimentu Ázia no Uniaun Europia ho montante osan hamutuk miliaun 22 dolar amerikanu.

(Domingos/Jp)

How do you react to this article?

You have reacted on "Governu Sei Bolu Diretor PMU Atu Responsabiliza..." A few seconds ago