PM Husu Finansas Kada Ministeriu Aselera Saláriu Funsionáriu Públiku (Radio)

Dili – Primeiru ministru, husu finansas kada ministeriu, aselera saláriu funsionáriu públiku.

Pedidu ne’e, hato’o husi, xefi governu, Taur Matan Ruak, iha palacio prezidensial, Bairo Pite Dili, kinta feira ne’e.

Taur Matan Ruak justifika, salariu funsionariu públiku tama tarde, tanba atrazu, iha finansas kada ministeriu.

Xefe governu hateten, finansas kada ministeriu, tenki halo komfirmasaun ba ministeriu finansas, kada fulan, antes atu prosesa salario.

Xefi governu, husu atu ministeriu finansas halo verifikasaun ba lista funsionariu públiku atu evita pagamentu ba funsionariu mate klamar.

Iha parte seluk, governu mos seidauk, halo tranferensia subsidiu orsamentu desimu terseiru ba funsionariu públiku.

(Manuel/Siso)

How do you react to this article?

You have reacted on "PM Husu Finansas Kada Ministeriu Aselera Salári..." A few seconds ago