Timor Leste Rezista Tan Sidadaun Naín Tolu Kompostu Mane Rua No Feto Ida Pozitivu COVID – 19

04 Fevereiro 2021
0 Comments
274 View.

Dili – Kinta-feira semana ne’e, liu husi konfrensia imprensa, diresaun nasional kontrolu doensas, reprejenta komisaun ezekutivu COVID – 19 relata, timor-oan naín tolu pozitivu COVID-19.

Diretora diresaun nasional kontrolu doensas Josefina Clarinha João informa, sidadaun naín tolu hirak ne’e naín rua hanesan estudante husi provinsia Demnpasar – Bali no Timor Osidental-Kupaun Indonezia, no ida seluk husi munisipiu Covalima, ultrapasa ho dalan illegal, ba Atambua hodi hetan kapturasaun husi unidade polisia fronteira.

Sidadaun hirak ne’e ultrapasa liu husi dalan tereestre, iha loron 20 no 21 fulan janeiro, kumpri kedan kuarentena iha ótel novu horizonte, no ekipa servisu ministériu saúde detekta sidadaun hirak ne’e konfirmadu pozitivu COVID-19.

Aliende ne’e sidadaun mane ida, husi munispiu Covalima, pozitivu COVID-19, hela kuarentena Suai, no ekipa vizilansia sei evakua mai iha sentru izolamentu Vera Cruz.

Ho kazu foun tolu ne’ebe rejista tan, dadaun ne’e sidadaun pozitivu ba COVID-19, hamutuk naín 27, naín 26 baixa iha sala izolamentu Vera Cruz, naín ida iha Oecusse, no sidadaun ida seluk, ekipa saúde Indonezia detekta, hafoin akompaña família atu ba halaó tratamentu saúde.

Ezequiel Freitas-Julio De Jesus Ba RTTL.

Editor Texto : Amito Araujo

Atu hatene informasaun klara, keta haluha akompanha gazeta às 24 iha canal RTTL iha oras 19:00

How do you react to this article?