PN No Governu Halo Audensia Ba Proposta Lei Sistema Saude

Dili – Parlamentu Nasional halao audensia ida ho ministeriu saude kona ba proposta lei sistema saude ne’ebe Prezidente Republika veta tinan kotuk.

Proposta lei sistema saude Prezidente Republika veta tiha iha tinan kotuk, kompostu husi artigu 10 ne’ebe koalia kona ba vigilansia epidemologika no artigu 11 foka ba vigilansia sanitaria.

Ministra saude Odete Maria Freitas Belo   klarifika   sistema vigilansia foka liu ba prevensaun surtu, enkuantu epidemologika foka espesifiku ba moras ne’ebe ministeriu saude rezista.

Sekretaria komisaun F asuntu saude helena martins informa ho proposta lei ne’e governu bele uza hodi halo konfinamentu obrigariu ba sidadaun durante implementasaun estadu emergensia no la presiza husu kontinuasaun estadu emergensia kada fulan ne’ebe durante nee implementa

komisaun F durante ne’e konsege halo ona audensia publika ho asosiasaun mediku, reprezenta organizasaun saude mundial no ministeriu saude, tempu badak sei aprezenta filafali proposta lei ne’e ba Parlamentu Nasional hadi halo diskusaun iha plenaria.

Timotio Gusmao, Levira De Carvalho RTTL

Editor texto : Nuno Saldanha

How do you react to this article?

You have reacted on "PN No Governu Halo Audensia Ba Proposta Lei Si..." A few seconds ago