Administradór Lautem : Vendedores Iha Loja Oin Sei Muda Ba Merkadu Sentrál Lospalos

Lautem – Daudaun ne’e vendedores kontinua fa’an modo iha trotoar leten loja oin, Lospalos-vila; realidade ne’e, tuir administradór munisípiu Lautem, atitude vendedores ne’e estraga imajen Lospalos-vila.

Além de ne’e, animal hakiak kontinua la’o iha estrada públiku hodi hafo’er sidade Lospalos no difikulta movimentu transporte públiku no privadu.

Administradór Munusipio Lautem, Domingus Savio, hateten,  tempu badak sei kria ekipa hodi disemina lei orden públiku ba vendedores hodi kumpre lei refere nune’e bele garante ijiene orden públika.

Autoridade munisipál ne’e realsa, sei organiza ekipa iha fulan ne’e hodi muda vendedores iha loja oin ba merkadu sentrál Lospalos hodi hamamuk loja oin nune’e bele garante ijiene iha Lospalos-vila.

Tuir observadór jornalista iha terrenu, vendedores fa’an modo iha trotoar leten iha loja ‘númeru 1 to’o 5’ nia oin hodi difikulta movimentu ema la’o ain.

Reportajen : Júlio Seixas (040221)

How do you react to this article?

You have reacted on "Administradór Lautem : Vendedores Iha Loja Oin ..." A few seconds ago