Progresu Konstrusaun Portu Tibar Atinji Ona 42% (Radio)

Dili – Progresu konstrusaun portu Baía Tibar, atinji ona porsentu hat nulu resin rua.

Progresu servisu ne’e aprezenta husi prezidente Timor Port, Rafael Ribeiro iha palásiu governu Dili, hafoin atualiza servisu konstrusaun portu baía tibar ba primeiru ministru Taur Matan Ruak, tersa feira ne’e.

Rafael Ribeiro hateten, daudaun ne’e, projetu konstrusaun portu Baía Tibar la’o nafatin, maske iha hela periódu estadu emerjensia.

Rafael Ribeiro argumenta, iha tinan ne’e, sei loke rekrutamentu ba tékniku espesial mai husi repúblika xina hamutuk ema nain atus ida resin, hodi halo operasaun ba portu refere.

Dadaun ne’e, traballador Timor oan nain atus lima resin hamutuk ho traballador estranjeiru nain rihun ida resin, maka servisu iha projetu refere.

Entretantu, durasaun tempu ba konstrusaun ne’e tinan tolu, ezekuta husi Timor Port ho modalidade parseria públika no privada, entre konsórsiu bellore no governu Timor Leste.

(Domingos/Jp)

How do you react to this article?

You have reacted on "Progresu Konstrusaun Portu Tibar Atinji Ona 42%..." A few seconds ago