Governu Sei Rekruta Tékniku Espesiál 100 Resin Hodi Servisu Iha Portu Tibar

Dili – Konstrusaun portu baía tibar dadaun ne’e atinji ona pursentu hat nulu resin rua tanba atividade konstrusaun kontinua la’o durante estadu emerjénsia.

Informasaun ne’e hato’o husi presidente Timor-Port, Rafael Ribeiro, iha palaciu do governu Dili, hafoin aktualiza servisu konstrusaun portu baia-tibar ba Primeiru-ministru, Taur Matan Ruak, Tersa-Feira ne’e.

presidente timor port, realsa, tékniku sira kontinua kompleta armazen no uma iha portu refere.

Rafael Ribeiro argumenta, tinan ne’e sei halo rekrutamentu ba tekniku espesiál husi Repúblika Xina, hamutuk atus-ida resin hodi halo operasaun ba portu – tibar.

Entretantu, dadaun ne’e trabalhador timoroan atus-lima-resin hamutuk ho trabalador estranjeiru kuaze rihun-ida-resin maka servisu iha projetu konstrusaun portu baía tibar.

projetu ho durasaun servisu tinan tolu hanesan konstrusaun nível internasional responsabiliza husi kompañia Timor-Port ho modalidade parseria públika privada entre konsórsiu Bolloré no governu Timor-Leste.

Reportajen : Domingos Trinidade (02-02-21)

How do you react to this article?

You have reacted on "Governu Sei Rekruta Tékniku Espesiál 100 Resin ..." A few seconds ago