JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PARPOL Ne’ebé Hetan Asentu Iha PN Sei Manan Osan $92.000 Kada Kadeira

PARPOL Ne’ebé Hetan Asentu Iha PN Sei Manan Osan $92.000 Kada Kadeira

Dili – Partidu Polítiku iha asentu parlamentar sei iha direitu simu subsidiu husi orsamentu subvensaun públika rihun sia-nulu resin-rua.

Informasaun ne’e transmite husi prezidente komisaun Nasionál Eleisaun CNE, Alcino Barris, hafoin remata reuniaun ho Prezidente-Repúblika, Francisco Guterres Lu-Olo, iha palácio prezidensial bairru Pité-Dili.

Alcino Barris, justifika, lei númeru 6/2008 kona-ba ‘Regime Jurídico do Financiamento dos Partidos Políticos’, fó dalan ba atu partidu polítiku sira ne’ebé hetan asentu iha Parlamentu Nasionál asesu ba orsamentu subvensaun públika, ba kadeira ida ho orsamentu rihun sia-nulu resi- rua dolar amerikanu.

Alende ne’e, partidu polítiku sira mós hetan subsídiu kada votu ida, dolar haat, husi total votu ne’ebé povu fó ba partidu polítiku iha eleisaun prezidensial no parlamentar.

Dau-daun ne’e, partidu polítiku ne’ebé hetan asentu iha parlamentu nasional mak hanesan partidu FRETILIN, CNRT, PLP, PD, KHUNTO, PUDD, FRENTI MUDANSA no UDT.

Reportazen : Manuel Gusmão (010221)

How do you react to this article?
Like
Love
Haha
Wow
Sad
Angry
You have reacted on "PARPOL Ne’ebé Hetan Asentu Iha PN Sei Manan Osa..." A few seconds ago

Add to Comments Here!!!!

error: Content is protected !!