Governu Sei La Autoriza Sidadaun Hala’o Auto Kuarentena Iha Uma

Dili – Governu sei la autoriza sidadaun ne’ebé sofre sintoma covid-19 no sidadaun husi rain seluk ultra pasa fronteira Timór-Leste, hala’o auto kuarentena iha uma.

Asuntu ne’e, aprezenta husi Ministru Presidencia Konsellu Ministrus, Fidelis Leite Magalhães, hafoin reniaun konsellu ministru, relasiona ho regras no medidas ba estadu emerjénsia ba dala sanulu nian.

Fedelis Leite Magalhães, hateten, iha estadu emerjénsia ba dala sanulu, governu hametin medidas preventivas sira hanesan, la iha karantina iha uma, tenke kumpre distánsia sosiál no fase liman beibeik.

Tuir nia, durante estadu emerjensia, sidadaun sira iha obrigasaun hodi kumpre kuarantena iha fatin ne’ebé governu prepara no tenki selu rasik.

Governante ne’e argumenta, Timor-Leste agora tenke kuidadu-an husi virus corona, tanba númeru kazu infetadu iha Atambua-Indonezia aumenta kada loron.

Reportazen : Domingos Trindade (010221)

How do you react to this article?

You have reacted on "Governu Sei La Autoriza Sidadaun Hala’o Auto Ku..." A few seconds ago