JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu Seidauk Sériu Halo Intervensaun Ba Komunidade Sira Ne’ebé Kontinua Halibur Malu(Radio)

Governu Seidauk Sériu Halo Intervensaun Ba Komunidade Sira Ne’ebé Kontinua Halibur Malu(Radio)


Dili – Sosiedade sivíl afirma, governu seidauk sériu hodi halo intervensaun ba komunidade sira ne’ebé kontinua halibur malu iha fatin públiku sira.

Maske dadaun ne’e, Timor Leste implementa hela estado emerjensia hodi bandu ema halibur malu liu nain sanulu.

Lia hirak ne’e, hato’o husi diretor forum ong Timor Leste-fongtil, Daniel Santos Carmo, relasiona ho movimentasaun sidadaun sira nian ne’ebe kontinua akontese iha fatin públiku sira.

Tuir nia, governu seidauk máximiza programa sosializasaun informasaun ba komunidade sira konaba regras estadu emerjensia, bandu ema halibur malu iha fatin públiku.

Iha parte seluk, xefe suku Bairo Pite, João Baptista Belo afirma, nia parte kontinua apelu ba komunidade sira iha suku refere, liu-liu iha fatin distribuisaun sexta bázika, hodi kumpri nafatin regras husi ministériu saúde no organizasaun mundial saúde, konaba uza maskra, mantein distansia sosial no fase liman antes no depois halo atividade.

Argumentu hanesan, hato’o mos administrador postu administrativu vemasse, munisipiu Baucau, Sebastião Filomeno katak, nia parte sempre orienta nia populasaun sira atu kumpri regras estadu emerjensia hodi evita no prevene surtu covid-19, atu la hadaet husi ema ida ba ema seluk.

Enkuantu, iha munisipiu ermera, administrador Ermera, Jose Martinho Do Santos hateten, populasaun iha munisipiu Ermera kumpri deit maka uja maskra no fase liman ho sabaun, maibe la mantein distansia sosial wainhira hala’o atividades.

(Bety/Jp)

How do you react to this article?
Like
Love
Haha
Wow
Sad
Angry
You have reacted on "Governu Seidauk Sériu Halo Intervensaun Ba Komu..." A few seconds ago

Add to Comments Here!!!!

error: Content is protected !!