Distribuisaun Cesta Bázika Iha Suku Maubise Fós-Rai ‘K.G 5’ Ho Folin $15

Ainaro-Komunidade suku Maubisse-Vila postu administrativu Maubisse, munisípiu Ainaro preokupa ho sasan cesta bazika ne’ebé folin aumenta tanba fós-rai ne’ebé kompañia distribui, tau de’it iha plástiku mutin (masin midar nia fatin) ho todan kilograma lima, nia folin $15.

Informasaun ne’e hato’o hosi benefisiáriu sesta bázika, Zacarias Bossa, iha suku Maubisse-vila bainhira simu produtu cesta bázika, sabado foin lalais ne’e.

Zacarias husu ba estadu atu kontrola folin sasán nune’e labele hariku de’it kompañia distribuidór.

Xefe Gabinete Sekretáriu Estadu Kooperativa, Arlindo Fransico Marsal, tenta buka maneira ho kompañia distribuidór hodi rezolve benefisiáriu nia preokupasaun.

Entertatu, na’in ba kompañia distribuidór, Atauro Agrobisnis, Lorenço de Oliveira, promete sei hakbesik an ba benefisiariu hodi esplika kona-ba sasán folin ne’ebé aumenta iha merkadu.

Suku Maubisse-vila ho total aldeia sanulu resin-rua, populasaun husi aldeia neen mak simu ona produtu sesta bázika.

Reportazem : Bati Noronha (260121)

How do you react to this article?

You have reacted on "Distribuisaun Cesta Bázika Iha Suku Maubise Fós..." A few seconds ago