Servisu Alfandegária No Saude Fronteira Mota-Masin Preende Sigaru No Ai-Moruk

Covalima – Servisu Alfandega no Saúde iha postu entrada fronteira Mota-masin postu Tilomar prende sigaru ho marka Surya no L.A, hamutuk maxu  42 inklui ai-moruk, husi sidadaun indonézia na’in 7 ne’ebé pasa fronteira Mota-masin munisípiu Covalima, iha Segunda-feira, 250121.

Funsionáriu Alfándega Mota-masin, Júlio de Jesus, konfirma  sidadaun na’in 7 ne’e nudár traballadór kompañia internasional Timor Resource.

Júlio de Jesus, argumenta, tuir regulamentu, sidadaun ne’ebé lori sigaru liu lolon 20 ka maxu ida tenke selu taxa ba governu.

Sorin seluk, Médiku Geral husi Ministériu-Saúde, Umberto Yohanes, hatete tékniku Ministériu saúde preende ai-moruk ne’ebé sidadaun indonézia lori tama mai Timór-Leste tanba la iha reseita husi Ministériu-Saúde.

Entertantu hafoin prende ai moruk no sigaru, sidadaun na’in 7 ba kumpri karantina loron 14 iha ótel Elivan.

Reportazem : Carlito Dos Reis(260121)

How do you react to this article?

You have reacted on "Servisu Alfandegária No Saude Fronteira Mota-Ma..." A few seconds ago