Governu Sei Hadia No Implementa Lei Rezime Jurídiku Jeral Foun

Dili – Governu sei hadia no implementa lei rezime jurídiku jeral foun konaba aprovizionamentu, kontratu públika no infrasaun sira.

Proposta ne’e aprezenta husi ministru finansas Rui Augusto Gomes iha reuniaun konsellu ministru ne’ebe hala’o iha paláciu governu Dili.

Ba jornalista sira, ministru presidensia konsellu ministru Fidelis Leite Magalhães esplika, opsaun politíku lejislativa ne’e nu’udar baze projetu konaba rezime jurídiku foun ba aprovizionamentu, kontratu públika no infrasaun sira.

Tuir nia, lei ne’e sei kontribui ba dezenvolvimentu ekonómiku rai laran, insentiva dezenvolvimentu seitor privadu no seluk tan.

Enkuantu, proposta ne’e, ministru finansas Rui Augusto Gomes sei aprezenta fali proposta konkreta ida iha enkontru konsellu ministru hodi foti dezisaun.

Iha parte seluk, governu altera ona proposta lei enkuadramentu ba orsamentu geral estadu ho jesataun finanseira públika no altera proposta lei dahuluk númeru 7/2009 ne’ebe kria komisaun funsaun pública.

(Domingos/Jp)

How do you react to this article?

You have reacted on "Governu Sei Hadia No Implementa Lei Rezime Jurí..." A few seconds ago