DNSPP Preparadu Apoiu PNTL Ho MS Hodi Desinfektan Fatin No Edefisiu Publiku Sira

Dili – Diresaun nasional, siguransa patrimoniu publiku, preparadu apoiu PNTL ho ministeriu saude, hodi desinfektan fatin no edefisiu publiku sira.

Komitmentu ne’e, hato’o husi diretor nasional siguransa patrimoiu publiku, Francisco Soares Da Silva, iha nia servsu fatin matadouru Dili, tersa feira ne’e.

Tuir nia, implementasaun atiidades desinfekta ne’e hala’o bazea ba diretiva, husi komandante jeral PNTL no diretor jeral protesaun sivil.

Francisco Soares Da Silva argumenta, maske ekipamentu ho rekursus humanus menus maibe, nafatin iha komitmentu hodi apoiu ekipa saude halo prevensaun ba kazu hadaet COVID-19 iha Timor Leste.

Dadaun ne’e, efektivu diresaun nasional siguransa patrimoniu publiku hamutuk rihun ida atus hitu resin.

Husi número ne’e, pessoal kolokado hodi garante siguransa ba patrimoniu publiku hamutuk atus tolu resin iha teritorio nasional.

(Juvenal/Siso)

How do you react to this article?

You have reacted on "DNSPP Preparadu Apoiu PNTL Ho MS Hodi Desinfekt..." A few seconds ago