AJTL Hato’o Pareser Ba Parlamentu Nasional(Radio)

Dili – Asosiasaun jornalista Timor Leste, hato’o pareser ba parlamentu nasional hodi, halo defeza ba keiza nebe apresenta husi jornalista Timor oan sira.

Hafoin entrega pareser ba sekretariado parlamentu nasional, vice secretario geral AJTL acasio pinto hateten, pareser ne’e, atu halo defeza ba asosiasaun jornalista Timor Leste, tamba petisaun jornalista 32 mensiona naran AJTL.

Ba acasio pinto, tuir prosesu legal nebe lao, iha Timor Leste, sidadaun no organizasaun hotu, iha direitu atu halo auto defeza ba nia an, bainhira hetan atake husi grupo balun.

Vice secretario geral AJTL ne’e argumenta, AJTL prontu atu hasoru malu ho jornalista sira nebe hato’o petisaun iha tribunal, bainhira sira hakarak atu avansa ba orgaun judisial.

Antes ne’e, jornalista hamutuk 30 resin apresenta petisaun ida ba parlamentu nasional, relasiona ho eleisaun ba representante asosiasaun jornalista ba membro konselhu imprensa.

(Alau/Siso)

How do you react to this article?

You have reacted on "AJTL Hato’o Pareser Ba Parlamentu Nasional(Radio)" A few seconds ago