Seguransa Guarda Loro Sa’e Apresenta Keisa(Radio)

Dili – Seguransa guarda loro sa’e, hato’o preokupasaun ba komisaun infra-strutura parlamentu nasional, kona ba governu la halo pagamentu ba sira nia salario durante tinan rua.

Hafoin audensia ho komisaun e, parlamentar quarta feira ne’e, kordenador seguransa, oleo pezado Baucau, Cipriano Hornay hateten, audenia ne’e, atu informa deit preokupasuan trabalhador sira nian kona ba governu la selu sira nia salario.

Cipriano Hornay afirma, trabalhador nebe servisu halo seguransa ba oleo pezado, iha teritorio Timor laran atus hat resin to’o tinan rua ona, seidauk hetan sira nia direito ba salario.

Tamba ne’e, sira husu ba komisaun e atu komunika ho minsterio obras publika hodi rejolve problema ne’e.

Komisaun e ba asunto infra-sturutura, sei bolu ministerio relevante ba parlamentu nasional hodi justifika problema nebe la selu trabalhador sira nia direito, maske sira halo servisu hodi fo seguransa ba oleo pezados sira.

Antes ne’e, governu liu husi ministerio obras publika promete ona katak, atu halo pagamentu iha tinan 2020, maibe la konsegue tamba Timor Leste utiliza deit orsamentu duodecimo, maske nune’e to’o agora seidauk hetan informasaun foun ruma kona ba asunto ne’e.

(Alau/Siso)

How do you react to this article?

You have reacted on "Seguransa Guarda Loro Sa’e Apresenta Keisa(Radio)" A few seconds ago