JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS Laiha Koinesimentu Aviaun Tula Pasiente Kovid-19(Radio)

MS Laiha Koinesimentu Aviaun Tula Pasiente Kovid-19(Radio)


Dili – Ministeriu saude, laiha koinesimentu ba aviaun ambulansia, husi kompanhia avcair-brisbane Australia, ne’ebe tula pasiente positivu kovid-19, ne’ebe tun urjente, iha aeroporto Comoro, tersa-feira ne’e.

Vice ministru saude, Bonifacio Maukoli Dos Reis hateten, aviaun ambulansia ho marka Vh-Il J, husi Australia ba tula ofisial WFP Australia ida, ne’ebe positivu ba kovid-19 iha Indonesia.

Maibe, aviaun refere tun urjente iha aeroportu internasional Nicolao Lobato atu ense mina hafoin kontinua semo ba Australia, maibe derepente aviaun nia roda rabenta, hodi la konsege semo ba Australia.

Ministeriu saude ho world food program ka WFP, iha Timor Leste, sei instala fatin provizoriu ida, iha aeroportu internasional nicolao lobato hodi izola pasiente refere.

Presidente ANATL.EP José Trindade Da Cruz Pinto komfirma, autoridade aviasaun sivil, fo autorizasaun ba aviaun refere hodi tun iha aeroportu internasional Nicolao Lobato, hodi ense mina laos atu hatun no buka pasajeirus.
Tamba ne’e, autoridade nasional aviasaun Timor Leste ho asosiasaun aviasaun sivil Timor Leste, hasai ona alerta ida ba mundu, hodi bandu provizoriu ema sira ne’ebe atu tun urjente, iha aeroportu internasional Nicolao Lobato.

Enquantu, aviaun ambulansia refere tula mediku rua, pasiente positivu kovid-19 ida, pilotu ida inklui ko pilotu ida.

Aviaun refere tun iha aeroportu internasional Nocolao Lobato iha loron tersa-feira ne’e, mais ou menus oras tuku lima loro kraik.

(Juvenal/Siso)

How do you react to this article?
Like
Love
Haha
Wow
Sad
Angry
You have reacted on "MS Laiha Koinesimentu Aviaun Tula Pasiente Kovi..." A few seconds ago

Add to Comments Here!!!!

error: Content is protected !!