Komponente Naval Deside Kansela Komemoerasaun Loron Ezistensia Komponente Naval (Radio)

Dili – Komandu F-FDTL, liu husi komponente naval hera kansela komemorasaun loron ezistensia komponente naval, ba dala sanulu resin sia.

Maske ne’e, hala’o ona, aktividade kopa naval, formasaun ba espoza militar no doasaun ran.

Xefi komisaun organizadora, primeiru tenente naval, Nicolao Sousa Guterres, afirma, kanselamento ceremoni aniversario ne’e tanba implementasaun estadu emerjencia.

Komisaun organizadora mos, agradese ba entidade sira ne’ebe apoiu komponente naval, hodi realiza aktividade ne’ebe konsege hala’o ona.

Komandante komponente naval, kapitaun fragata, João Da Silva konfirma, komponente naval, sei enfrenta dezafius maibe la hamate espiritu militar nian, hodi garante nafatin siguransa ba rikusoin iha tasi laran.

Komandu F-FDTL mos suspende, konsertu musika, aktividade jogu kriansas, jogu komunitaria sae bua no dada tali, inklui mos aktividade expo no feira naval, husi loron 30 fulan desembru to’o loron 06 fulan janeiru tinan 2021.

(Juvenal/Siso)

How do you react to this article?

You have reacted on "Komponente Naval Deside Kansela Komemoerasaun L..." A few seconds ago