PNTL Kontinua Sosializa Medidas Preventivas COVID – 19 Ba Komunidade Sira (Radio)

Dili – Komandu jeral PNTL, segunda-feira ne’e, kontinua sosializa medidas preventivas COVID-19 ba komunidade sira.

Iha konferensia imprensa, portavoz komandu jeral PNTL, superintendente xefi Arnaldo De Araujo konfirma, sosializasaun ne’e, hodi evita kazu transmisaun lokal COVID-19 iha komuniade nia le’et.

Superintendente xefi Arnaldo De Araújo afirma, PNTL sei foti medidas rigorozu no sei kriminaliza sidadaun sira, ne’ebe la kumpri regras estadu emerjensia, tuir kodigu penal Timor Leste, artigu 244 ne’ebe koalia konaba krime desobediénsia.

Iha parte seluk, komandu unidade patrullamentu fronteira munisipiu Covalima, kaptura sidadaun nain tolu, ne’ebe tama ilegal mai Timor Leste, liu husi fronteira Suai, hodi submete ba karantina.

Sidadaun hirak ne’e, kumpri hela karatina obrigatoriu iha munisipiu Covalima, postu administrativu Suai Vila, munsipiu Covalima.

Enquantu, komandu jeral PNTL nafatin koloka membru sira, hodi garante seguransa ba fatin karantina sira, iha teritoriu nasional.

(Juvenal/Siso)

How do you react to this article?

You have reacted on "PNTL Kontinua Sosializa Medidas Preventivas COV..." A few seconds ago