MF : Seidauk Iha Nesesidade Atu Halo Pedidu Levantamentu Ba BCTL (Radio)

Dili – Ministru financas konfirma, seidauk iha nesesidade atu halo pedidu levantamentu ba Banco Central Timor Leste tanba OGE 2020 sei iha hela miliaun atus tolu rua nulu resin lima dolar amerikanu.

Ministeriu financas, sei halo pedidu levantamentu fundu ba Banco Central ho adisional miliaun atus ualu, ualu nulu resin ne’en, wainhira liquidos tun ba miliaun ruanulu.

Ministru financas, Rui Gomez esplika, ezekutivo seidauk ezekuta OGE 2021 tanba sei iha liquidos miliaun atus tolu rua nulu resin lima dolar amerikanu.

Vice governador Banco Central Timor Leste, Venáncio Alves Maria konfirma, papel Banco Central maka sei halo transparencia ba osan ne’ebe promulgadu husi Presidente Republika.

Venacio Alves Maria argumenta, to agora nia parte seidauk simu pedidu husi ministeriu financas kona ba levantamentu fundu petrolifeiru orsamentu jeral estadu tinan 2021.

(Domingos/Siso)

How do you react to this article?

You have reacted on "MF : Seidauk Iha Nesesidade Atu Halo Pedidu Lev..." A few seconds ago