Ezekusaun OGE 2020 Remata Iha Quinta Feira Semana Ne’e (Radio)

17 Dezembro 2020
0 Comments
151 View.

Dili – Ezekusaun OGE 2020, remata iha quinta-feira semana ne’e.

Proposta ne’e, aprezenta kuarta-feira ne’e, husi ministru financas Rui Gomez no aprova ona iha reuniaun konsellu ministru, iha palaciu do governu Dili.

Ministru presidencia konselu ministru, Fidelis Leite Magalhães hateten, ezekusaun sei remata, bazea ba kalendáriu husi governu.

Konsellu ministrus aprova ona projetu dekretu governu nian, kona-ba alterasaun dahuluk ba dekretu governu numeru 14/2020 loron 23 fulan outubru, kona ba ezekusaun orsamentu jeral tinan 2020.

Foin lalais ne’e, vice ministra financas Sara Lobo Brites, garante sei ejekuta orsamentu jeral estadu tinan 2020 ho porsentu ualu nulu iha fulan desembro tinan ne’e.

Vice ministra Sara Lobo Brites konfirma, atu garante ezekusaun la’o lalais depende ba relatorio ejekusaun kada ministeriu sira.

Enquanto, orsamentu jeral estadu tinan 2020 hamutuk bilaun ida pontu atus haat sia nulu resin hitu.

Osan ne’ebé gasta tiha ona husi janeiru 2020 to’o agora, liu husi rejime duodesimal, tama mós iha OGE 2020 ne’ebé Prezidente Repúblika promulgadu no publika ona iha jornál republika.

(Domingos/Siso)

How do you react to this article?