Deputado Husi Bancada CNRT Sei Halo Fiskalizasaun Ba OGE 2021 (Radio)

Dili – Deputado husi bankada CNRT, sei halo fiskalizasaun, ba orsamentu geral estado tinan 2021.

Liu husi komferensia imprensa, tersa feira ne’e, xefi bankada CNRT Duarte Nune’es komfirma, bankada CNRT sei fiskalija ba ezekusaun OGE 2021, maske antes ne’e, la partisipa iha debate ba OGE tinan 2021.

Ba deputado Duarte Nune’es, kna’ar deputado sira nian atu halo fiskalizaun no produs lejislasaun, tuir rejimentu parlamento nian.

Deputada bankada FRETILIN, Maria Anjelika Ranjel argumenta, bankada CNRT iha direito tomak atu hola desizaun politika hodi sai husi plenaria, tamba ne’e rejimentu nafatin fo dalan atu halo fiskalizasaunba OGE tinan 2021.

Entretanto; durante debate orsamentu geral estado tinan 2021 iha Parlamentu Nasional deputado 21 husi bankada CNRT la partisipa iha debate espesialidade to’o final global.

(Alau/Siso)

How do you react to this article?

You have reacted on "Deputado Husi Bancada CNRT Sei Halo Fiskalizasa..." A few seconds ago