Ekipamentus Peskiza Husi Kompaña Timor Resource No Timor Gap.Ep To Ona Iha TL (Radio)

Dili – Ekipamentus peskiza husi kompaña internasional Timor Resource no Timor Gap.Ep to ona iha Timor Leste, atu halo perfurasaun ba mina matan tolu, iha kosta sul, iha tinan 2021.

Enquanto; kompaña internasional Timor Resource husi Australia hamutuk ho Timor Gap.Ep, maka nain ba kontratu partila produsaun, iha munisipiu Covalima no Manufahi.

Mina matan tolu ne’e, kompaña Timor Resource identifika ona, iha suku Matai, Sampouk, Kamnasa, iha postu administrativu Suai municipiu Covalima.

Presidente autoridade nasional petroliu minerais, Florentino Mateus Soares Ferreira hateten, perfurasaun ne’e, hala’o bazea ba dadus no analíza, iha laboratoriu no resultado hatudu nia potensialidade di’ak.

Dadaun ne’e, kompaña Timor Resource investe ona nia osan rasik porvolta miliaun lima nulu resin, ba investimentu perfurasaun ba mina matan, iha kosta sul.

Antes ne’e, kompaña internasional Timor Source ne’ebé sai vensedór ba explorasaun petróleu projektu explorasaun mina no gas iha rai maran.

(Domingos/Siso)

How do you react to this article?

You have reacted on "Ekipamentus Peskiza Husi Kompaña Timor Resource..." A few seconds ago