Governu Popular Xina Komitmento Reforsa Kooperasaun Ho Gabinete Espoza PR (Radio)

Dili – Governu Popular Xina, komitmento reforsa kooperasaun ho gabinete espoza Prezidente Repúblika.

Koperasaun ne’e, sei foka ba, problemas sosiais ne’ebe akontes iha Timor Leste.

Xefi casa sivil, Prezidente Republika, Francisco Maria De Vasconselho konfirma, durante ne’e, governu Popular Xina, liu husi gabinete Espoza Prezidente Republika, resolve ona, problema mal nutrisaun, ajuda ema kiak, rezolve labarik sira ne’ebe la kontinua estudu, feto vulneral no seluk tan.

Iha opurtunidade ne’e, governu Xina, liu husi embaixador iha Timor Leste, entrega osan hamutuk rihun sanulu resin lima, ba gabinete Prezidente Repúblika.

Rekorda katak, desde 2018, governu Xina apoiu fundu ba gabinete espoza Prezidente Republika, hamutuk osan rihun atus ida lima nulu, dolares amerikano.

(Manuel/Siso)

How do you react to this article?

You have reacted on "Governu Popular Xina Komitmento Reforsa Koopera..." A few seconds ago