Traballadores Timor Oan Inglaterra Lamenta Ho Linguajem Husi Ministru Agrikultura No Peska (Radio)

Dili – Trabaladores Timor ona iha Inglaterra, lamenta ho linguajem husi ministru agrikultura no peska relasiona fokit manu fulun.

Representante trabalador timor oan iha Inglaterra, Francelino Gusmão Perreira triste tebes, ho deklarasaun ministru agrikultura no peska Pedro Dos Reis nian, ne’ebe la motiva Timor oan sira, ne’ebe buka servisu iha rai liur.

Traballador ne’e husu ba governante sira atu evita lansa liafuan la edukativa iha futuru.

Trabalador Germano Soares ne’ebe servisu iha fabrika naan manu justifika, durante nia servisu iha fabrika naan manu, nunka fokit manu fulun, tamba manu fulun makina mak hamos no sira ajuda deit.

Ministru agrikulturano pescas Pedro Dos Reis dismente tanba la hasai statemento hodi ofende Timor oan ne’ebe maka hala’o servisu iha rai liur maibe nia parte koalia liga ho produsaun rai laran nebe menus.

Maske nune’e ministru husu deskulpa ba, deklarasaun ne’ebe ofende traballador Timor oan sira iha rai liur.

Enquantu, kada tinan Timor oan sira ne’ebe servisu iha rai liur konsege haruka osan mai Timor, ho total milaun hatnulu resin hodi sustenta ba nesesidade familia nian.

(Juvenal/Siso)

How do you react to this article?

You have reacted on "Traballadores Timor Oan Inglaterra Lamenta Ho L..." A few seconds ago