Funsionarius Ejoneradu Ezije Presidente RAEOA Atu Selu Sira Nia Direitu (Radio)

Oecusse – Funsionarius ejoneradu, tolu nulu resin, husi gabinete segundu presidente autoridade RAEOA, ezije presidente RAEOA atual, atu selu sira nia direitu subsidiu COVID-19.

Ejijensia ne’e, hato’o husi representante funsionario ezonerado Ozi Da Cruz Salu ba RTTL, iha gabinete RAEOA, kuarta feira ne’e, relasiona subsidiu ne’ebe seidauk selu, hahu husi fulan marsu too jullu 2020.

Nia preokupa tamba durante fulan haat nia laran funsionario hirak ne’ebe hasai husi servisu sidauk hetan subsidiu COVID-19 nian.

Ejijensia hanesan hatoo mos husi Anita Da Costa reprezenta hotel no loja nain ne’ebe fornese aihan no sasan durante inisiu atendimentu COVID-19 iha RAEOA.

Entertanto to’o informasaun ne’e fo sai, RTTL sidauk hetan konfirmasaun husi prezidente autoridade arsenio paixão bano no sekretaria finansas Eliza Maniquim tamba okupa ho servisu seluk.

(Pm/Emy/Siso)

How do you react to this article?

You have reacted on "Funsionarius Ejoneradu Ezije Presidente RAEOA A..." A few seconds ago