PNTL Identifika Ona Loja No Kios Balun Faan Fugetes Ka Paison (Radio)

Dili – Komando Polisia Nasional Timor-Leste – PNTL munisipiu Bobonaro identifika ona loja no kios balun faan fugetes ka paison.

Komandante PNTL munisipiu Bobonaro superintendente xefe Octavio De Araujo “Bucar” ba RTTL iha nia knar fatin informa parte komando PNTL munisipiu simu informasaun husi komunidade no polisia sei halo aprensaun.

Octavio De Araujo “Bucar” hatutan, komando PNTL munisipiu Bobonaro sei koordena ho polisia Unidade Partolamentu Fronteira – UPF, Polisia Unidade Batalaun Ordem Publiku – BOP, Unidade Espesial No Falintil Forsa Defeza Timor-Leste – F-FDTL atu kontrola sasan hirak ne’ebe lei bandu hatama mai Timor Leste.

Superintendente xefe ne’e hateten, polisia sei foti medidas tuir lei ne’ebe vigora ba ema boot nebe identifika sunu fugetes, enkuantu ba labarik tinan kiik sei responsabiliza husi inan – aman.

Komando PNTL munisipiu bobonaro husu juventude sira labele halo presipiu iha estrada ninin no labele hemu tua iha prezipiu.

Entretantu; komandante PNTL munisipiu bobonaro ne’e apela ba juventude no komunidade atu kria paz no estabilidade durante loron boot natal ho tinan foun 2021 iha municipio bobonaro.

(Humbertu/Emy/Eko)

How do you react to this article?

You have reacted on "PNTL Identifika Ona Loja No Kios Balun Faan Fug..." A few seconds ago