PNTL La Tolera Vendedores Sira Loke Bazar Baratu Iha Trotoar Leten (Radio)

Dili – Komando munisipiu Dili la tolera vendedores sira loke bazar baratu iha trotoar leten tamba fo impaktu ba sirkulasaun transporte publiku no kontra dekreto lei numeiru 6 tinan 2003.

Segundu komandante polisia munisipiu Dili, superintendente Euclides Belo hato’o asuntu ne’e ba RTTL iha nia knar fatin Kaikoli Dili tersa ne’e.

Euclides Belo esplika, autoridade seguransa servisu hamutuk ho autoridade munisipiu Dili inklui xefe suku Kolmera muda ona bazar baratu ba iha edificio wester union nia kotuk.

Segundu komandante polisia munisipiu Dili, superintendente Euclides Belo kompromete, durante loron bo’ot Natal ho tinan foun 2021, PNTL munisipiu Dili sei koloka siguransa ba iha fatin ne’ebe maka vendedores sira loke bazar baratu, inklui iha merkado no mos dalan ninin sira hodi prevene joven sira labele hemu alkohol iha fatin publiku.

Iha parte seluk, Mateus Dos Reis nudar vendedores bazar baratu hateten, pronto kumpri desijaun no husu nafatin parte seguransa atu asegura seguransa durante atividade cazar baratu.

Xefe suku Kolmera Armenio Aleixo Da Silva hateten, autoridade lokal koordena ona ho autoridade seguransa asegura ona vendedor sira labele faan sasan iha trotoar leten.

Xefe suku kolmera Armenio Aleixo Da Silva hateten, joven Kolmera sei garante siguranca durante bazar baratu maibe nafatin husu apoio husi PNTL.

Konaba dadus vendedor sira, xefe suku Kolmera Armenio Aleixo Da Silva hateten, dadauk ne’e ekipa sei rekoilha hela dadus.

(Bety/Eko)

How do you react to this article?

You have reacted on "PNTL La Tolera Vendedores Sira Loke Bazar Barat..." A few seconds ago