Osan Alimentasaun Ba UPF Tama Tarde (Radio)

Dili – Osan alimentasaun ba unidade patruilamentu fronteira tama tarde tanba failla iha sistema Ministerio Financas.

Assuntu ne’e, hato’o husi, komandante unidade patruilamentu fronteira superintendente João Sancho Pires, iha kuartel jeral Pntl Kaikoli Dili, tersa feira ne’e.

Superintendente João Sancho Pires hateten, osan alimentasaun tama tarde maibe komandu UPF halo ona kontaktu ho sentru lojistiku nasional – CLN hodi fornese fos ba unidade patruilamentu fronteira kompaña Maliana, Suai no Oecusse.

Nia argumenta, periodu estensaun estadu emerjensia ba dala hitu, komandu sei la autoriza membru sira atu foti ferias, hodi halo kontrolu nafatin ba movimentu ilegais iha fronteira.

Nia argumenta, maske infrenta difikuldades barak maibe, la difikulta servisu unidade patruilamentu fronteira, hodi asegura nafatin seguransa iha ronteira.

(Juvenal/Siso)

How do you react to this article?

You have reacted on "Osan Alimentasaun Ba UPF Tama Tarde (Radio)" A few seconds ago