UPF Prende Sasan Kontra Bandu Iha Fronteira (Radio)

03 Dezembro 2020
0 Comments
101 View.

Dili – Unidade Patrulamentu Fronteira – UPF, prende sasan kontra bandu minarai, sigaru, fugetes, ho roupa obralan, iha linha fronteira.

Asuntu ne’e, hato’o husi, komandante unidade patruilamentu fronteira superintendente João Sancho Pires iha kuartel jeral PNTL Kaikoli Dili, tersa feira ne’e.

Superintendente João Sancho Pires hateten, unidade patruilamentu fronteira kaptura mos sidadaun nain rua ne’ebe halo tranzaksaun sasal ilegai hirak ne’e, hodi submete ba karantina.

Nia argumenta, dadaun ne’e, UPF utiliza hela postu UPF 30 inklui postu provizoriu ualu iha fronteira ne’ebe lokaliza iha munisipiu Bobonaro, Suai inklui RAEOA, hodi hala’o kontrolu ba aktividade kontra bandu.

Enquantu, periodu fulan novembru nia laran unidade patruilamentu fronteira konsege kaptura ema tolunu resin ualu, kompostu husi timor oan 27 inklui sidadaun Indonesia 13.

Dadaun ne’e, sasan kontra bandu hirak ne’e, rai hela iha kuartel UPF Baugade hodi prosesa ba ministeriu publiku.

(Juvenal/Siso)

How do you react to this article?