Pasientes Hiv – Sida Atus Ida Resin Mate Iha Timor Leste (Radio)

Covalima – Pasientes Hiv – Sida atus ida resin mate iha Timor Leste.

Numeru mate ne’e, husi total pozitivu hamutuk rihun ida resin, ne’ebé Ministeriu Saude rezista husi tinan 2003-2020.

Komisaun nasional kombate Hiv-Sida, relata dadus ne’e hafoin komemora loron nasional Hiv – Sida ba dala sanolu resin ualu, iha postu administrativu Tilomar, municipio Covalima.

Sekretariu ezekutivo komisaun nasional kombate Hiv – Sida Timor Leste, Atanasio De Jejus afirma, tuir dadus anuais, cidadaun ne’ebe infetadu ba virus Hiv – Sida hamutuk rihun ida resin.

Autoridade lokal maudemu, Maria Fátima, sente orgullu ho diseminasaun kombate Hiv – Sida ne’e tamba bele aumenta sira nia konhesimentu, konaba moras Hiv – Sida nune bele halo prevensaun.

Autoridade lokal ne’e, husu parte relevante atu loke formasaun no hala’o atividade edukasaun sivica ba komunidade sira iha área rural nune bele reduz número moras Hiv – Sida.

(Cipri/siso)

How do you react to this article?

You have reacted on "Pasientes Hiv – Sida Atus Ida Resin Mate ..." A few seconds ago