Plan Asina Mou Ho SEPS Ba Prevensaun Risku Violensia Hasoru Feto No Labarik (Radio)

Dili – Plan internasional asina akoordo kooperasaun ho sekretariu estadu protesaun sivil ba prevensaun risku violensia hasoru feto no labarik.

Ba jornalista sexta feira ne’e, iha Manleuana Dili, sekretariu estadu protesaun sivil Joaquin Gusmão konfirma, akordu ne’e atu asegura risku husi violensia kontra feto no labarik sira iha munisipiu Dili, Aileu no Ainaro.

Sekretariu estadu protesaun sivil Joaquin Gusmão haktuir, akordu ne’e vale ba tinan tolu, tanba ne’e sei servisu hamutuk ho plan internasional hodi sensbiliza informasaun ba komunidade sira atu prevene an husi violensia konta feto no labarik.

Diretora ezekutivu plan internasional Dilliana Ximenes rekoñese, plan internasional durante ne’e halao servisu hodi fo asistencia ba feto no labarik atu hadook sira husi risku violensia.

Ezekutivu ne’e observa, durante ne’e komflitu sira akontese sempre fo ameasa psikologia ba feto no labarik sira.

Plan internasional preve orsamentu rihun sanulu hodi halao servisu hamutuk ho governu hodi sensebiliza risku sira husi komflitu ba komunidade kria paz no estabilidade.

(Manuel/Siso)

How do you react to this article?

You have reacted on "Plan Asina Mou Ho SEPS Ba Prevensaun Risku Viol..." A few seconds ago